Verse 1
Nĩ ũgeni-inĩ ndĩ gũkũ thĩ ti gwitũGwitũ nĩ kwega gũtihaana gũkũ
Thĩ nĩ gwa thĩna gwitũ nĩ matu-inĩ
Ndĩriragĩria gũkinya kwa baba
Chorus
Wega wa gwitũ ndũrĩ waiguĩka thĩNa ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone
Verse 2
Gũkũ thĩ ndĩ mũramati wa KristoNgĩgathĩrĩria mũciĩ wa matu-inĩ
O nawe ũngĩenda no gũtuĩke gwaku
Ũrabatarania o wĩtĩkie Jesu
Verse 3
Ndiaringĩrĩirio no niĩ nderutĩireGũthiĩ ngacarie harĩa ingĩiganĩra
Ngĩoya ikinya rĩa wĩtĩkio ngĩtua itua
Ndakinya igũrũ no rĩo ngaiganĩra
Verse 4
Nĩ maingĩ mũno ndigĩte na thuthaO na nĩ maingĩ ngũtũnga njĩra-inĩ
Mega na moru ũcio ti thĩna wakwa
Muoroto wakwa no ngakinya igũrũ
Verse 5
Mwathani wakwa nyongerera hinyaWee Jesu wakwa ndĩroka gũkuona
Ndongoria baba ngarĩkia rũgendo
Tondũ gũkũ thĩ ndũũraga na thĩna
Chorus
Wega wa gwitũ ndũrĩ waiguĩka thĩNa ũthaka wakuo ndũrĩ wonekana
Kana ũgathugundũo nĩ mũndũ wa thĩ
Nokĩo ndĩriragĩrĩa thiĩ ngawone