Mwei wa Githima

Nĩ ndagũkaĩra Jehova Niĩ mwĩhia mũnyamaarĩki Tondũ matha maku nĩ maingĩ Ndũhiũhaga kũrakara Ũthambie na mũthũbi waku Nĩ getha njerũhe o ta ira Tuuco tuothe ngoro-inĩ yakwa Ndutĩra wĩra ũngĩ mwerũ

Nĩ kũrũra ndũrĩire kanua-inĩ gaku O ro ta ngaita Ndũkaĩ kũndua thĩ Jehova Atĩ nyume kanua gaku Kũngĩkinya nĩ kũndũithia Hũũra ũkĩnjokagia mũciĩ Nĩ ũndũ wa tha cia kĩgongona Ndũkahithĩre ũthiũ waku

Ũngĩnyingata atĩ nĩguo Mũrungu Wee ndũkanyone No kũbuĩria ingĩbuĩria Ningĩ micĩrĩre o ro ta itu Njũrĩre rĩera-inĩ ta ndogo O na ningĩ ndegwo nĩ thĩ Ndũkahithĩre ũthiũ waku Atĩ nĩguo ndũkanyone

Ngoro yakwa nĩ ĩgurarĩte Ironda igũita thakame Ironda iria niĩ ngurarĩte Irabatara mũrigiti Tondũ wĩ mũrigiti mwega Kĩrigite ngoro yakwa Ũhonie ironda cia ngoro na cia mwĩrĩ Wee Ngai wakwa

Njikarĩte gĩthiũrũrĩ-inĩ Kĩa mathĩna na magerio Ndiindaga nyũmba ndĩhingĩire Nĩ kwaga gwa kũgerera Kĩnyũrũri kĩrĩa ngereire Nĩ kĩrĩa kĩarĩ na Hannah Thondeka njĩra ya kũũrĩra Ndigathirĩre ũndũ-inĩ ũyũ

Ngwenda ũndeithie kũrũgama Ciĩranĩro-inĩ Jehova Caitani arenda gũthũngũthia Ngoro yakwa o ta ngano Ndirĩ na ũngĩ wa kũndeithia Na ndirĩ na hinya mwathani Hũndũrĩra ngoro Jehova Mĩcookie ciĩranĩro-inĩ