1.
Kwĩ moragia thĩ ĩno karĩ ĩrĩkũ
Kuona mokĩranagia na nyoni
Agathiĩ gwetha agacoka ũtukũ
Na wamũrora ma ndarĩ ona kĩ
Na ti hakiri atahũthagĩra
Na nĩkũrĩ ũkomaga akaigania
Na mĩnoga aiguaga na ageni
Na ndũngĩigua atĩ nĩararagĩra
Chorus
Nĩ favour ya Ngai ĩtũtũragia
Indo ciothe nĩwe waciũmbire
Iria ciothe ithuĩ twĩriragĩria
Nĩ ciake na nĩwe ũheanaga
Ti kĩo kĩa andũ kana kũũhĩga
Imahete indo muoyo na mbia
Kawega kanini nĩ kaiganu
Mũceranagĩre na athamaki
2.
Tũthiorũrũkĩirio nĩ mĩtino
Nĩ tha cia Ngai itũgitagĩra
Ona indo ciaku no cikũnĩne
Ni Ngai mwene ũcihoreragia
Ũcio mũrata mũranyitana
No agũĩke kĩũndũ ũriganĩre
Nĩ kũrĩ ũiguaga mũrata
Agacoka nyũmba akehingĩra
3.
Ndũkanatuĩre mũndũ mahĩtia
Angĩkorũo ndũmũhoyagĩra
Ũngĩigua he kaũndũ arekire
Ũtanamworota wĩyorote
Ithuĩ othe gũtirĩ ũtarĩ itemi
Mũtũrĩre-inĩ wa mũndũ ũrĩa ũngĩ
No ũmũcenjie kana ũmumanie
Kiugo gĩa kanua tu nĩ kĩiganu
4.
Kuuma gũciarwo nginya kũigana
Arata nĩ aingĩ mũno ndanagĩa
Angĩ ndionaga ta tũkoranwo
Ndonaga tarĩ o makang’una
Kũrĩ nao ndathũire na ngoro
Ũmũthĩ nĩo manyitĩrĩire
Ndingĩmarora maitho nĩ thoni
Gũtirĩ mũndũ ũtangĩkũguna
5.
Mũciari ndũkanamene mwanake
Wamuona hakuhĩ na mwarĩguo
Kana wamuona ũkauma na ithanwa
Kaba woye ihinda ũmatarage
Kaba ũcio ũrona na ũkamũmenya
Na nĩũĩ kũrĩa ũngĩmũruta
Kũrĩ angĩ monanaga na thiri
Macũngĩrĩro ũkanjia kwĩrira
6.
Ndũkareke mũndũ tawe arĩre
Maithori nĩ ũrogi ũtarĩ mbũgũ
Na ũrehagwo nĩ ruo rwa ngoro
Mũndũ ũtangĩhota kwĩyũrĩria
Tondũ ũcio agũtigagĩra Ngai
Nĩkĩo ũrĩonaga tawarumirũo
Ndũrĩ ũndũ ũngĩambĩrĩria ũthereme
Thĩna ũmwe wathira ũngĩ ũkaingĩra