Verse 1
Mawĩko maku wee Ngai Nĩ mangegagia mũno
Njĩra ciaku cia ũthingu Na wĩhokeku mũingĩ
Ũnjĩkaga o magegania Na ndũndĩhagia o na kĩĩ
Nderirĩria gũgũtũkia Na hanane nawe
Chorus
Wĩ Ngai mahinda mothe Na ũguo nĩguo niĩ njũĩ
Wĩhitho wakwa mũrũmu Nowe niĩ njũthĩrĩirie
Ndakũnengera ngoro ĩno Ta igongona itheru
Na nowe niĩ njetereire Gatũrũme ka Ngai
Verse 2
Ndirĩ ndona ũndigĩte / Kana ũkanogio nĩniĩ
Ũnjĩkaga o maũndũ mega Tondũ nĩ ũnyendete
Ingĩkũĩhia ũkanjohera Na ũkariganĩrwo
Nderirĩria gũgũtũkia Na hanane nawe
Verse 3
Ndũtaraga mehia mothe Marĩa ndehĩtie tene
Ngũhoyaga ũnjohere Nama wee ũkanjohera
Ũgathambia niĩ ngathera Ngetĩkĩrĩka harĩ we
Nderirĩirie gũgũtũkia Na hanane nawe
Verse 4
Hitho ciothe ũhithũrĩirie Nĩguo ngũmenye wega
Ũkangitĩra mathĩna Na ihuhũkanio ciothe
Maũritũ na mĩnyamaro Ciothe ũkariĩra
Ndĩrirĩirie gũgũtũkia Na hanane nawe