1.
Maithori maya ndiraita matuthukite gikenoini
Nigukorwo niwaiguire Hindi íría ndagwitaga
Ndwetikirire guikara haraya na kayu gakwa
wanguthukiire ukinjoya mahindi matanagona
Chorus
Kungigakinya ngoro Ino yakwa niikainama ringi
He rutha ngamiumiriria na IHATURA riu ríaku
Nindimiririkanagia Hindi íría gwathongomana
Ona gwothe kungigatura harî we ndikorira
2.
Nindagitete mwihoko gwakirie guthereruka
Ndarite utuku mugima ngiethana na githithi giaku
Ndathenyukaga kuguru ngigukinyira utabuiria
No ndagikaini ya muico nduigana kundiga utheri
3.
Ndagukayagira muno ta Esau akiririra
Ithe wao amurathime thutha wa minoga ya kuhita
Ndwetikirire kunjira nduri na kirathimo kingi
Wandathimire na ciothe nokihonia ngoro yakwa
4.
Ndanyururagio na thimo nigetha ndebanie witikio
Mangoraga Bethsaida makahonio ngatigwo ho
Ndwetikirire gutuure gutumanite nginya tene
Ningi nduigana kureka hitukwo ni kimera giakwa
5.
Ndio ati niwataraga maithori nii ndariraga
Nokaharirira ihinda ria kundiha itata gwa itata
Nima nduri muria ng’uuru wi muhurithania wa maita
Ndahoya ndukananoge kuhang’ira ngoro Ino thayu
6.
Niunyoneire kamweke kuria kuracingimanite
Nokarinduria gikeno kiehaini na mitangikoini
Niuheithitie gitiiyo okuria ndananyararirwo
NoUndu úcio ni mwandikiku ngoro iheyagwo hinya naguo