1.
Ngai tega matu uigue ihoya riakwa
Thikiriria uhoro wakwa unjokerie
Thiaga nging’ung’uaga ngicayaga
Nikugumagirwa ma ni imaramari
Chorus
Narikorwo ndi mathagu ta ndutura
Ngakiumbukuka ngahurukage weru ini
Kaba gwitururagira ndi weruini
Githunu ini kia agendi gitari ahiurania
Kaba gwitururagira ndi weruini
Githunu ini kia agendi gitari ahiurania
2.
Gituro kia imaramari no waganu
Matuire irathimo cia andu aku ta ciao
Uhiurani uhahanyani na kiunuhu
Magethaga migunda matahandire
3.
Mundu ona atekwenda no amahoere
Ndukamaigananirie matuku mao
Ndukarikie gutuanira me muoyo
No Ngai wakwa ndahoya amarathime
4.
Makoria mundu mbara na ihuhukanio
No ukiuge maikio kwa ngoma me muoyo
Marohobanirio ni gikuo mahuke
No Ngai wakwa ndahoya amahe uugi
5.
Makinyirie mawiko ma wega waku
Magakua gikuo giaku kiria kia nduire
Ndugathamie thi mamerie mari muoyo
Njiarwo ciothe ikona wihokeku waku
6.
Hwai ini ruciini ona ningi miaraho ii
Ng’ung’uaga ngicayaga oo ngwihokete
Iguaga mugambo wakwa uthare
Uthamie ihuhakio cia imaramari