Verse 1
Ngai ũtũire aagu na aagu
Ndwagaga hinya kana ũkahotwo
Mũrurumo wa mĩhumũ yaku
Ũtũmaga maaĩ meyũmbe hĩba
Icoka nacio na njara ciaku
Nĩciakũganwo na hinya wacio
Chorus
Nĩngũgũtĩya ngũinamĩrĩre
Na ngũthathaiye niĩ ndĩnyihĩtie
Njuge atĩ kiugo gĩaku kĩ hinya
Kĩambararĩtio igũrũ wa rĩtwa
Ũrokĩgocwo no ũroneneha
Ndũngĩiganĩra rwĩmbo-inĩ rũrũ
Verse 2
Nyĩmbo cianainwo ng’ano ikaganwo
Iheo ciĩ goro cigatuganwo
No ndirĩ ndaigua rwĩmbo rwĩ cama
Rũkĩrĩte rũrũ wanjĩkĩrire
Mũrũguo agĩkua atuĩke igongona
Muoyo wa tene ngĩtugwo naguo
Verse 3
Nduma na mehia itirĩ wũikaro
Thĩiniĩ waku gũthera nĩwe
Mwatũri mĩhaka nduma-inĩ na ũtheri
Mũcokia nyamũ imamo-inĩ ciacio
Nĩworohetie ngoro ĩno yakwa
Nĩngũkũraha ndũrĩrĩ-inĩ ciothe