Verse 1
Ndatũire gĩthĩi-inĩ kia mũtu Haataga rũitĩki-ĩ
Nĩgetha nyone kĩndũ gĩa kũrĩa Ng’aragu ĩnyume
Ndehingagĩra nyũmba ngarĩra Ngathaitha Ngai-ĩ
Mũhũũnia wa nyoni cia rĩera-inĩ Na itithũkũmaga
Chorus
Ngwĩka atĩa tondũ ciugo cia kanua Itiraigana-ĩ
Gũkwĩra ũrĩa Ngai ũnjĩkĩire Tondũ nĩ manene
Ũndutĩte kũraya mwathani Ingĩgakinya haha-ĩ
Ngoro yakwa goocaga jehova Ndũkanariganĩrwo
Verse 2
Na tondũ ciĩranĩro cia Ngai Nĩ ĩĩ na amina-ĩ
Oigire agekĩra kanua gakwa Ũhoro ta nyoni
O iria itũũraga mĩtĩ ĩgũrũ Ikũgoocaga-ĩ
Naniĩ ndũũre thĩ ĩno ngũgoocaga Nĩ mawĩko maku
Verse 3
Matũ makwa matũire maiguĩte Ũrĩa wĩkaga-ĩ
Mũhoi ũkamũtua mũheani Mũthĩni gĩtonga
Rĩu nĩ ndĩyoneire na maitho Ũkĩnduta kuo-ĩ
Ũkanjoya haraihu na igũrũ Ndĩyanĩre na anene