Verse 1
Afilisiti rĩrĩa mamenyire
Daudi nĩ aitĩrĩirio maguta
Athamakĩre Isiraeli-ĩ
Makĩambata makamũcarie
Chorus
Daudi nĩ aamenyete hitho
Ti mbũtũ ya ita na mbarathi
O na kana mũtĩ wa mbara-ĩ
Ũhootani uumaga kwĩ Ngai
Verse 2
Daudi athiĩ gũtuĩria ũhoro
Kwĩ Jehova, amwĩrire ambata
Ndirĩ hingo itarĩneana
Afilisiti moko-inĩ maku
Verse 3
Macemania Baali Perazimu
Aahũraga Afilisiti akiuga
Jehova nĩ ahehenjangĩte
Thũ ciakwa irĩ o mbere yakwa
Verse 4
Maacoka rĩngĩ amwĩrire
Ikũrũka ũmathiũrũrũke
Ũmakore ũmarutie kũrĩa
Kũng’etheire mĩkũngũgũ-inĩ
Verse 5
Rĩrĩa ũrĩigua makĩrumia thĩ
Mĩkũngũgũ-inĩ warahũke
A’mu Jehova arĩ mwena waku-ĩ
A’kahũũre ita rĩa Afilisiti
Verse 6
Ti ũcamba wa andũ makaraũ
Na hinya wao ũkahootana
Ni hinya wa roho wa Ngai-ĩ
Ũthengagia irĩma cietũũgĩria
Verse 7
Rĩtwa rĩa Jehova nĩ nyũmba
Ya hinya njake mũthiringo
Nĩ kuo atheru aake moragĩra
Makahonokia mĩoyo yao