24. April 2026

Mwei wa Githima by Sammy Irungu

Sammy Irungu – Mwei wa Githima Kigooco Song Lyrics
FOR SKIZA DIAL 860174#
Verse 1
Nĩ ndagũkaĩra Jehova
Niĩ mwĩhia mũnyamaarĩki
Tondũ matha maku nĩ maingĩ
Ndũhiũhaga kũrakara
Ũthambie na mũthũbi waku
Nĩ getha njerũhe o ta ira
Tuuco tuothe ngoro-inĩ yakwa
Ndutĩra wĩra ũngĩ mwerũ
Chorus
Wee mwei wa githima gĩũke
Nĩguo ũtherie ngoro yakwa
Gĩthima gĩakwa gĩtikaĩ
Kũruta maaĩ marũrũ
Arĩa manyotokagĩra ho
Mũrungu matikahune
Ehoki ngai nĩ ũndũ wakwa
Ũgitĩre mĩoyo yao
Verse 2
Nĩ kũrũra ndũrĩire kanua-inĩ gaku
O ro ta ngaita
Ndũkaĩ kũndua thĩ Jehova
Atĩ nyume kanua gaku
Kũngĩkinya nĩ kũndũithia
Hũũra ũkĩnjokagia mũciĩ
Nĩ ũndũ wa tha cia kĩgongona
Ndũkahithĩre ũthiũ waku
Verse 3
Ũngĩnyingata atĩ nĩguo Mũrungu
Wee ndũkanyone
No kũbuĩria ingĩbuĩria
Ningĩ micĩrĩre o ro ta itu
Njũrĩre rĩera-inĩ ta ndogo
O na ningĩ ndegwo nĩ thĩ
Ndũkahithĩre ũthiũ waku
Atĩ nĩguo ndũkanyone
Verse 4
Ngoro yakwa nĩ ĩgurarĩte
Ironda igũita thakame
Ironda iria niĩ ngurarĩte
Irabatara mũrigiti
Tondũ wĩ mũrigiti mwega
Kĩrigite ngoro yakwa
Ũhonie ironda cia ngoro na cia mwĩrĩ
Wee Ngai wakwa
Verse 5
Njikarĩte gĩthiũrũrĩ-inĩ
Kĩa mathĩna na magerio
Ndiindaga nyũmba ndĩhingĩire
Nĩ kwaga gwa kũgerera
Kĩnyũrũri kĩrĩa ngereire
Nĩ kĩrĩa kĩarĩ na Hannah
Thondeka njĩra ya kũũrĩra
Ndigathirĩre ũndũ-inĩ ũyũ
Verse 6
Ngwenda ũndeithie kũrũgama
Ciĩranĩro-inĩ Jehova
Caitani arenda gũthũngũthia
Ngoro yakwa o ta ngano
Ndirĩ na ũngĩ wa kũndeithia
Na ndirĩ na hinya mwathani
Hũndũrĩra ngoro Jehova
Mĩcookie ciĩranĩro-inĩ
Chorus X2