24. April 2026

Irema by Shiru wa GP

“Irema” – Shiru wa GP Kigooco song lyrics
Verse 1
Naomi agĩcooka kwao oimĩte Moabi
Aihũirwo nĩ irema na ruo rwa ngoro
Atumia makĩũrania ũrĩa kaĩ arĩ Naomi
Nake akĩmeera mũtikanjĩte Naomi
Njĩtai Mara, njĩtai Mara
Nĩ gũkorwo Jehova nĩ anjiguithĩtie ruo
Chorus
Ici irema cia mũtũrĩre
Itigiria niĩ ndungate Ngai
Ngũciagarara ndungatĩre mũnyũmbi
O na cia Jesũ irĩ o ho
Na nĩ ngakena ndaciona
Irema ici, mũtikanduura rĩngĩ
Irema ici, ruo nĩ rũthiru
Verse 2
Gũtihio nĩ tũtihagio na tũkagurara
Na tũkaigua ruo mũno nĩ ũrĩa tũtihĩtio
Na kwa ihinda ruo rũu no rũgĩthiraga
Na kĩrĩa gĩtigaraga gĩtagwo kĩrema
Wũi nakĩo kĩrema, nakĩo kĩrema
No gĩtũme ũtũũre ũririkanaga
Ruo rũthiru
Verse 3
Gũtirĩ ũgĩaga kĩrema gĩa kwĩyendera
Irema mũndũ agĩyagĩra o mũtino-inĩ
Kana mũndũ agĩetha wega akonana na ũũru
O na Jesũ nĩ ahoete korwo kwahoteka
Gĩkombe kĩa ruo gĩthenge mbere-inĩ yake
Gĩkombe kĩa ruo, gĩkombe kĩa ruo
Gũtirĩ mũndũ ũngĩenda
Verse 4
Tũkiuge atĩa rĩu na nĩ twĩhokete Ngai
O na twagera mwaki-inĩ no tũtuĩkanagia
Ta Ayubu na Ahumai o na Mefiboshethu
O na korwo twanagerera maruo-inĩ maingĩ
Gũtooria tũrĩ atooria
Ithuĩ tũrĩ atooria
Nĩ ũndũ wa ũcio watwendire
Chorus
Irema, irema, irema-a-a ici
Ruo nĩ rũthiru