24. April 2026

Gatheri by John Ndungu

Rev. John Ndung’u song – Gatheri Kigooco Song Lyrics
Skiza 5965945 to 811
Verse 1
Hindi iri Ng’aragu yatumiire bururi
Uyu witu twaheirwo
Gugituika gutiri na irio cia kuigana
Ciana ciitu ikirira
Ndi mwana uria mukuru ngiiyurwo ni ihoru
Ndona ciana ikirira
Ngihoya na ngoro iyurite maithori
Ngai turirikane
Chorus
Twatindagira muthenya tutarite
Irio ciari cia hwai ini
Tukaria Gatheri tugathie tugakoma
Ngai ndatutigire
Verse 2
Ciana iriria nyinyi ciariraga igathira
Hwai ini ugigakinya
Wira wakwa munene wari wa guciira
Ciana Ngai ari muoyo
Maitu ndari uhoti baba nake ndari wira
No nikuri uria wi hinya
Ngai uria mutumbi menyai ebata na ithui
Ni atwiciragia wega
Verse 3
Rucini gutiari kindu mundu angiria
No gacai kanini
Na riria gutari tukaheyo gacuru
Ngai mwega ari oo muoyo
Hindi iyo noguo ndaririkanire ciugo
Ibuku ini ria samueli
Hindi iria Elijah athire gucerera
Mutumia wa ndigwa
Verse 4
Hindi imwe ndaiguita ta ngoro ingikua
Ni undu wa thina muingi
Ngiariria ngoro iyo ngimira ikara muoyo
Nitondu Jehova ee muoyo
Hindi iyo noguo Ngai atumire mundu
Agiuka gwitu mucii
Akiuga ni Ngai umwirite twina thina
Na okite atuteithie
Verse 5
Mundu ucio atigiire maitu irio cia kuigana
Kuria mweri mugima
Agicoka agithie na baba akimwandika
Wira mucara mwega
Muthenya uyu ngoro yakwa ni ngenu muno
Ni ciiraniro cia Ngai
Ni tondu woigire ndagatutiga oo ri
Kana atutiganirie
Chorus X3